趙碩之廣州晒唱功 想打開內地市場

20180416
東網電視
更多新聞短片
趙碩之獻唱為佢度身訂造嘅歌曲《霧晴》。

香港藝人河國榮、趙碩之及樂隊Reviver日前受「廣東省影視行業協會」邀請,出席在廣州舉行的「群星電影之夜」,並為晚宴擔任表演嘉賓,碩之表示:「被邀請出席咁盛大嘅業內典禮感覺好榮幸,最驚喜見到多位內地嘅著名導演同埋演員前輩,喺晚宴中同各業內人士廣泛交流,獲益良多。期待不久未來嘅合作機會,喺拍完英國劇後亦希望透過今次活動打開廣州同埋內地市場!」

在晚宴上,河國榮表演了兩首經典廣東歌曲,包括是鄭少秋的《笑看風雲》及張國榮的《為你鍾情》, 他一開金口便獲得全場掌聲, 因為嘉賓們都很驚訝他的廣東話如此流利。 他說:「今次表演最令我難忘嘅就係唱歌中途突然有位男嘉賓走上台同我合照。近嚟我都想多啲公開唱歌,不論係接Job定是為慈善,因為五月尾我將舉行自己嘅第一次音樂會,呢段期間嘅演出我都可以順便練吓歌。」

至於碩之則演唱了《霧晴》一曲,並由該曲的作曲人、即Reviver樂隊的隊長黃天信及結他手張文耀為她伴奏。碩之稱:「呢首歌係我有份參演電影《幽靈情人》嘅主題曲,係Reviver樂隊隊長天信為我度身而寫嘅旋律,每次唱都令我有被人錫嘅感覺。」在她表演完後,Reviver兩位成員則以色士風及木結他演奏出電影《道.義》之插曲《背後說愛你》,該部新片由樂隊結他手張文耀執導,碩之擔任女主角,而她返回後台前還搞笑地叫嘉賓們「坐定定」欣賞二人演奏!

---------------------------
東網巨星開咗ig喇,大家快啲follow啦!
https://goo.gl/KGuo2N