范冰冰送禮畀古力娜扎 網民:手字好靚

20180416
東網電視
更多新聞短片
范冰冰(右)最近就送咗份禮畀古力娜扎。
內地女星古力娜扎樣靚身材正,成為新一代女神之一。呢日古力娜扎喺社交網晒出一份禮物相,仲留言表示:「女神必須支持。」原來佢所指嘅女神係范冰冰,相中見到范冰冰送上一份自家美容品牌嘅禮盒,更附上一張手寫嘅卡片,上面寫上「娜扎,謝謝你的支持!愛你!多提意見哦!」最後,范冰冰亦簽上自己嘅名,難怪唔少網民都話呢份禮物真係千金難買,仲大讚冰冰手字好靚,而有網民仲話原來佢哋兩個咁熟,真係令人估唔到呀!