杜汶澤冇獎拎 田蕊妮失落:好希望佢攞到

20180416
東網電視
更多新聞短片
阿田出席化妝品牌發布會。

無綫藝人田蕊妮(阿田)出席化妝品牌發布會,她表示老公杜汶澤未有對無緣金像獎任何獎項而感到失望,反而自己卻感到有少許失落,她說:「我嗰陣好緊張,因為真係好希望佢(杜汶澤)團隊任何一個人攞到獎,自己都會好開心。不過唔緊要啦,嚟緊佢會努力啲、再接再厲。我知道有好多媒體都支持佢,好似電影評論學會咁。(你有冇安慰老公?)冇呀,佢好輕鬆,只喺宣布嘅一刻捉住我隻手囉。」

推出Hi-Fi靚聲碟

阿田透露近日忙於錄製新唱片,並指進度有延誤:「因為最近聲帶有事變厚咗,醫生話要我一個月唔講嘢,咁梗係唔得啦,所以我冇理到佢。不過我依家會溫柔啲咁講嘢,因為要養聲。」她表示新唱片是Hi-Fi靚聲碟,當中有10首廣東歌,其中7首是翻唱歌,翻唱歌的原唱者都是男生,而其餘3首是新歌。問她是否精挑細選翻唱的歌曲?阿田直言:「其實都花咗好多時間揀歌,我記得個List都有成過百首。(你揀左咩歌?)有啲係自己細個嗰陣聽過嘅歌,有啲係近年來自己最鍾意嘅新歌。」

----------------------------
東網巨星開咗ig喇,大家快啲follow啦!
https://goo.gl/KGuo2N