死前最想做乜？朱晨麗話想攬住…

藝人朱晨麗（朱朱）到尖沙咀宣傳新劇《棟仁的時光》，朱朱直言《棟》是一部很感人的劇，自己看到預告片後也被感動到，令她反思會珍惜現在，也會珍惜過去所有。她表示：「會特別諗起屋企人，因為自己10歲就離鄉別井，家庭時間唔多，諗到好多嘢返唔到轉頭，將來家人、身邊人離開會好唔開心。（死前會最想做乜？）會同好多人一樣，想攬住父母同佢哋一齊。」

朱朱又預告今次是選港姐後最性感演出的一次：「今次會跳鋼管舞，當時練習個人好低落，因為好多高難度動作都做唔到，但諗到BB都係要學爬先，就慢慢調適，多多練習。」

提到朱朱早前在社交網站晒出手臂傷痕，令一眾粉絲擔心，她表示：「大家唔使擔心，係畀貓貓抓傷，可能我早前去咗加拿大，返到嚟佢太掛住我，唔小心出咗爪。」

--------------------

東網已全面支援360影片及相片，讓你全方位睇盡新聞大事，恍如置身現場，立即登入東網360網頁： http://on.cc/360/

如仍未更新東網App，請按此連結收睇360影片： https://goo.gl/UMjMFL