大膽!古巨基笑Lorraine幾廿歲人都怕醜

20180416
東網電視
更多新聞短片
基仔真係曳!

古巨基(基仔)日前接受娛樂新聞台節目《StarTalk》訪問,大談將舉行演唱會感受,基仔說:「今次香港演唱會有全新嘅歌單,全部都係廣東歌,而且必需要做三面台,因為我哋嘅舞台會有裸視3D效果,大家放心,我哋三面台都仲會有握手位。」

笑老婆廿歲人都怕醜

專訪中,基仔亦大爆與太太Lorraine之間的甜蜜和搞笑事,問到基仔對太太做過甚麼浪漫事時,他說:「應該就係捉佢去拉斯維加斯註冊,其實日常生活自己都好Sweet,例如會無端端捉佢去睇齣戲,又或者同佢講今日乜都唔做,大家去拍吓拖。」搞笑的基仔又說:「不過佢成日都好怕醜,其實都幾廿歲人啦!醜婦終須見家翁,更何況佢唔係醜婦!」

自爆呃老婆好瘦

問到有冇對太太講過大話?基仔笑說:「唔知佢有冇對我講大話就真,哈哈!有!我話佢好瘦,但我之後都會好誠實話佢知,要減肥,不過減肥係為健康,而唔係為外型,我係唔介意外型,我鍾意佢嘅內在美,佢都成日話我肥啦!」