唔願郁！鄭希怡頂硬上推囡囡「溜冰」

藝人鄭希怡（Yumiko）嘅囡囡梁浸浸一向都活潑好動，所以Yumiko不時都帶佢周圍去玩。呢日Yumiko就帶浸浸去溜冰，仲喺社交網同網友分享佢兩母女去溜冰嘅相，相中見到佢哋母女裝上陣齊齊擺出溜冰甫士，場面搞笑。

之後，Yumiko再上載一段短片，片中見到Yumiko一邊溜一邊推住坐喺海獅上嘅浸浸，浸浸仲好開心咁周圍望，最後仲對住鏡頭揮手，似乎兩母女都玩得好開心，仲留言表示：「為咗令佢對溜冰有多點興趣，我呢個技術生疏嘅阿媽都要落埋場，好彩有呢隻海獅#第二日溜冰 #推海獅 #好似都係冇乜興趣」相信Yumiko將來再睇番呢段片一定覺得好溫馨呀！