好幸福!黃紫盈飛巴黎學廚成日遇靚仔

20180417
東網電視
更多新聞短片
黃紫盈呢次就飛咗去巴黎拍節目。

無綫前主播黃紫盈主持旅遊節目又有新玩法,是次她拜訪巴黎幾間廚藝學校,向多位法國廚師學藝,親手炮製法國大餐、法式面包、傳統甜點等,又跟大廚到市集買菜,開心度過了一個好難忘的文化體驗。在《盈遊巴黎-學廚記》中她在巴黎上cooking class時遇上不少美國人,她説:「佢哋好鍾意旅行時報讀課程,覺得可以增進知識,又可以跟當地人交流。我覺得香港都可以諗多啲特色Workshop吸引遊客。」

她說其中幾對結婚數十年的夫婦來巴黎慶祝結婚周年紀念,老公陪伴老婆一同上堂,感受到那份愛,她說:「今次拍攝好開心又難忘,學廚真係唔容易,要夠腳骨力,因為要企足成日,(問她有否艷遇?)4月嘅法國開滿櫻花,好浪漫,喺法國成日遇到帥哥,無論咖啡店侍應或保安都勁型,好多朋友擔心我喺法國嘅安全,其實自恐襲後,法國嘅保安都加強,好多商場、酒店和景點都要Check過先畀入,連艾菲爾鐵塔地面都圍住,要排隊做足安檢,先可以靠近。」她在巴黎回港翌日經已開工,除拍廣告外又到大學開talk,忙過不停。