做乜事？龔嘉欣手背現大撻瘀痕

藝人拍戲好多時要假戲真做，所以拍動作戲受傷在所難免，龔嘉欣呢日喺社交網上載一張右手有大撻瘀痕嘅相，留言話：「路還很長 經歷痛楚少不免 我享受成長的過程 我可以做得到的！」仲Tag埋自己「新挑戰」、「永不放棄」，之後又喺限時動態勉勵自己：「成功是要付出的。」似乎佢係因為工作而受傷。

有網民就留言問佢係咪因為新劇要打泰拳而搞成咁？亦有網民鼓勵佢：「小小苦楚等於激勵，你要加油呀！」咁究竟嘉欣係拍乜劇搞成咁呢？