去泰國取經 蕊蕊想返港開美人魚餐廳

20180417
東網電視
更多新聞短片
蕊蕊係美人魚迷,去到泰國都要搵美人魚餐廳食嘢。

藝人蕊蕊近年積極發展美人魚泳術學校,早前飛去新加坡進行交流,估唔到一個轉身佢已經飛到去泰國曼谷同朋友旅行。蕊蕊唔單止發展美人魚泳術,仲係美人魚頭號粉絲,所以佢呢日去以美人魚主題嘅餐廳朝聖,仲同美人魚魚尾嘅飲品同埋蛋糕自拍,見蕊蕊食得開心又睇得開心!

之後蕊蕊又同成班朋友燒烤,期間佢仲童心未泯拎住個美人魚公仔係咁揈來揈去,原來魚尾個位係可以整到啲泡泡添!事後蕊蕊接受東網電話訪問表示因為近日泰國潑水節,所以飛到當地旅行:「除此之外都有去美人魚餐廳,因為都想開番間,所以嚟偷吓師。」蕊蕊又話因為連日來畀人潑到個身濕晒,令成日出入冷氣地方嘅佢,唔小心病咗。