班尼狄羅拔襲新加坡 重現「復仇者大樓」

20180417
東網電視
更多新聞短片
眾星於亞洲宣傳晒冷作!(美聯社,Getty Images)

漫威(Marvel)超英眾星近日兵分幾路於亞洲宣傳晒冷作《復仇者聯盟3:無限之戰》(Avengers:Infinity War),新加坡站就有「新舊福爾摩斯」,即係「鐵甲奇俠」羅拔唐尼(Robert Downey Jr.)與「奇異博士」班尼狄甘巴貝治(Benedict Cumberbatch),仲有「Nebula」Karen Gillan與導演Joe Russo,眾人昨日於酒店出席粉絲活動,大會將「復仇者」的「A」字標誌投射到大廈及酒店外牆,重現「復仇者大樓」,令粉絲大為驚喜!

而眾人於活動中亦有被問及有關系列發展的問題,班尼狄回應《奇異博士》(Doctor Strange)續集發展時,大賣關子,表示自己的角色於《復3》唔知會唔會死,至於導演Joe Russo回應羅拔拍完《復4》就「下車」的傳聞時,表示對方無法被替代,不過相信會發生:「佢無講過佢會離開『鐵甲奇俠』,但總會發生,佢唔可能永遠演個角色。」此外,班尼狄近日於宣傳活動上臨離開時,有女子大叫問他是否剛剛瞓醒,令他嬲爆,表示對方無禮貌!

另一方面,「蜘蛛俠」Tom Holland近日就於日本東京與另一導演Anthony Russo出席宣傳活動,日本男星佐野岳與溝端淳平都有撐場。而各地有關《復3》電影片長的資料紛紛出爐,各有差異,大致分為156分鐘及149分鐘,官方未有回應。至於印尼方面就剪去7分鐘,導演Joe都表示震驚。