余安安正式簽約做凌文龍經理人:簽一世

20180417
東網電視
更多新聞短片
余安安指做凌文龍經理人係機緣巧合。

出爐金像獎最佳新演員凌文龍由契媽兼經理人余安安陪同現身電台訪問,凌文龍表示昨晚已請契媽食麻辣火鍋,忍口了一段時間,現在終於可以食薯片,安安也笑指可讓他放肆一下。凌文龍並再次多謝經理人,他說:「其實不斷成日同佢講,好多謝佢,佢知道我拍電影,知我乜都唔識,義務做我經理人,有次拍戲好凍,朝早6、7點,佢都過嚟睇我、指導我、照顧我,非常感動。」問到安安是否向經理人方面發展?她說:「係機緣巧合,之前從無諗過,因為知佢第一次拍電影乜都唔識,叫得我做契媽,無理由唔幫佢,自己做咗咁多年,而且有啲工作搵佢時,佢真係唔識handle,佢話不如我做埋經理人,就正式幫佢。」

對於正式簽約做經理人,問到簽約幾年?安安笑說:「一世啦!(會唔會再簽多幾個星?)未諗,一個已經好攰,依家好體諒啲經理人,原來咁多嘢做。(凌文龍難唔難湊?)唔難,因為同佢夾,大家互相好信任,方向一致好緊要,好夾好開心。(大家對錢嘅觀念一樣?)可能自己都係演員,會睇工作性質先,劇本行先。」剛拍了個廣告的凌文龍,表示喜歡拍電影,對加片酬沒有想過,稍後到上海與安安再同演《最後作孽》舞台劇。