小肥即將開騷 預告台下嘉賓來頭勁

2018年04月17日 14:59
東網電視
更多新聞短片
小肥後日開騷。

歌手小肥為後晚舉行的音樂會進行綵排,期間唱了《當你走了以後》及已故歌手陳百強的《愛沒有不對》。他表示今次是一人一琴的演奏會,笑言如果是自己的演唱會未必敢冒這個風險:「都有擔心一人一琴冇乜高低起伏啲觀眾會唔會瞓着,但經過呢幾日練歌,起碼我自己係high嘅,希望聽眾都投入到,如果投入到就唔會瞓嘅,係冧嘅。」

他表示今次全部都是唱情歌,笑言跟世界談情,除了自己歌外,亦會唱其他歌手的歌:「因為我啲情歌比較dark side,但都會唱啲。」他亦謂會唱古巨基的《歡樂今宵》,因為當中有句歌詞「談情一世」,跟其音樂會名一樣:「所以古sir就叫我唱。(會唔會叫埋佢嚟做嘉賓?)我有叫佢嚟睇,因為我呢個騷冇特別邀請嘉賓,但叫咗好多嘉賓嚟睇,例如陳柏宇兩公婆。(最想請邊個嚟睇?)今次好驚喜請到盧冠廷嚟睇,因為我會唱幾首佢嘅歌,我啲朋友講笑話嚟睇騷嘅嘉賓仲勁。」