【快問快答】張家輝講最鍾意邊幾個女星

2018年04月17日 15:22
東網電視
更多新聞短片
張家輝執導新片即將上映。

影星張家輝執導嘅新片《低壓槽》即將上映,作為導演嘅佢,當然好緊張,今日就發咗條宣傳短片,嚟一次快問快答,解構一下自己嘅心情同拍攝過程。

短片中,張家輝邊洗杯邊接受訪問,指自己會用一個風和日麗嘅心情嚟迎接電影上映,對於網民不斷留言話等呢套戲等到頸都長,問佢會唔會覺得呢啲留言令佢有壓力,張家輝謂:「唔會,但我會睇。」

佢亦透露為搞好部戲,喺工作室閉關九個月,至於問到依家佢最鍾意邊幾位女星,佢話:「其他女星唔好意思喇,今次我一定要撐番自己嘅演員,即係徐靜蕾、余男同張可頤。」拍電影嘗試過唔同造型嘅佢,鍾意自己長髮定短髮?佢話:「長髮,今次拍戲嘅造型都係長髮,又要打又有一大把頭髮都幾辛苦,但出嚟效果幾好,有浪人嘅感覺。」談到最近睇過咩戲,張家輝即搞笑話:「睇咗二百萬次《低壓槽》。」


----------------------------
東網巨星開咗ig喇,大家快啲follow啦!
https://goo.gl/KGuo2N