年賺8,600萬！謝洛美為囡囡信託基金加碼

「能力愈大，責任愈大」唔止係「蜘蛛俠」電影的名句，同為超英人物嘅「鷹眼」謝洛美維拿（Jeremy Renner）於現實生活都有實踐出嚟，他近日被爆因為收入多咗，即時為5歲愛女Ava的成長做更好準備，於信託基金加碼！

據悉謝洛美本身每個月都向前妻Sonni Pacheco支付約10.2萬（港元，下同），作為囡囡的贍養費，而他的年收入高過1,800萬時，他會再畀當中的5%畀兩母女，不過近年片約不斷的他已經年賺約8,600萬，近日被爆與Sonni傾過新安排，除繼續每月畀10.2萬之外，年收入的5%如果超過1,570萬，就會全數撥去Ava的信託基金，等愛女一世無憂！