返內地登台要獻聲 楊思琦為表演惡補歌喉

20180418
東網電視
更多新聞短片
楊思琦左眼發炎都堅持做義工!

藝人楊思琦日前以香港兒童基金會家長義工親子大使身份參加慈善跑的起步禮,思琦雖然左眼發炎,但仍堅持出席是次活動,她說:「因為我本身讀教育,好鍾意小朋友,之前有關於小朋友嘅活動都好想參與。之前有朋友問我可唔可以幫呢個基金會做大使,我聽到即時一口答應,佢哋嘅服務對象係低收入家庭小朋友以及需要協助嘅單親家庭。」思琦坦言平時工作忙碌,但只要有時間都會參與慈善工作:「有時未必係金錢上,能夠出到一分力都好開心,我都想做個榜樣畀小朋友睇。」

思琦除了身體力行行善外,也會教導女兒:「有時小朋友生日會收到好多禮物或者一啲舊玩具,都會捐去玩具銀行,令環境冇咁好嘅小朋友都可以分享到,我之前又帶佢去參與拯救瀕危動物嘅活動,培養囡囡嘅保育意識,雖然只係小小捐獻佢都學識到要幫助人同愛護動物。」至於工作方面,思琦表示五月份要在內地拍攝電影三星期,現正努力刨劇本,期間又要穿梭內地出席活動,她笑言:「依家去內地活動都要表演唱歌,好似歌手咁,所以我有時間都要練吓歌。」