搞咩呀？陳嘉樺孖辮Look大媽味極濃

內地選秀節目《創造101》未播出已經引起討論，皆因歌手許靖韻同台灣女星陳芳語（Kimberley）等人都有份參加，估唔到最近再有高知名度嘅女歌手加盟節目。

原來係台灣女星陳嘉樺（Ella）將會為節目擔任歌唱導師，佢仲特登化身參賽者，拍片搞吓氣氛。片中所見，着粉紅色外套嘅Ella紮孖辮現身，本身應該好有少女味，點知個妝就出晒事啦！佢竟然化咗誇張眼妝，仲喺眼皮上畫上一條條眼睫毛，認真引人注目，仲有網民話佢好似大媽！但相信Ella都係為咗搞笑先咁大犧牲。

Ella仲留言拉票，叫大家多多支持佢：「我是第102號練習生，記得pick me up！小姐姐我的眼妝特別美，眼睛特別大，記得一定一定一定要屁科（pick）我喔！」相當爆笑！