有孝心!莊端兒飛溫哥華探外婆順便睇靚景

20180418
東網電視
更多新聞短片
莊端兒最近就飛咗去溫哥華。

藝人莊端兒(Xenia)近日與媽媽到加拿大溫哥華探望94歲的外婆:「我好細過就成日陪婆婆打麻雀!過時過節佢都會整好多嘢食,例如角仔、煎堆、脆麻花、糉、鹹湯圓、芝麻湯圓,搓皮同餡料都係自己做,我同媽咪都會幫手。」隨着外婆移民到加拿大,親戚聚會少了,Xenia說:「外婆91歲嗰時喺屋企樓梯跌倒,好番之後又跌倒,屋企人怕危險就送佢入老人院,但阿姨每日都會去睇佢。婆婆成日唔記得自己老咗,所以唔會就住行,行好快所以好易跌倒。」Xenia指外婆年紀大,希望每年都可以看看對方。

另外,Xenia大讚4月份的溫哥華超美,四處都是花和各種花樹,包括淡淡粉紅色的櫻花樹,認為照片也拍不出那份美態:「我哋仲上咗雪山,但滑雪季節過咗,所以淨係坐纜車去山頂飲咖啡同欣賞雪景。」