工作人員擦大餐　黃曉明戒口孤獨隊沙律

內地男星黃曉明時刻都要保持住弗爆身形，喺鏡頭前展現最佳狀態，除咗努力做運動之餘，仲好忍得口添！呢日佢喺微博上載咗短片，見到一班工作人員開餐，嗌到成枱都係嘢食，睇到人流晒口水，不過遲遲都未見黃曉明出現。

原來黃曉明為咗抵擋美食，竟然自己一個人匿喺房間，仲淨係食青菜同沙律咁清淡咋，睇嚟佢為咗減肥下定決心，所以話做藝人真係唔容易！佢亦留言呻爆：「易胖體質的眼淚，混合着菜葉子往下嚥。」