昆凌撞樣荷里活女星 周董閃爆留言回應

20180419
東網電視
更多新聞短片
真係太閃喇!

「台灣天王」周杰倫(周董)2014年與昆凌拉埋天窗,昆凌先後為他誕下大女「小周周」Hathaway和兒子「小小周」,一家四口相當幸福。

尋日昆凌就喺社交網晒一張短髮側面嘅相出嚟,佢仲將一張同樣以短髮示人嘅荷里活女星莉莉哥連斯(Lily Collins)嘅相擺埋一齊做對比,兩張相除咗髮型相似之外,連眼神都似到十足,唔講仲以為係孖生姊妹嚟添呀,昆凌仲好開心留言:「Lucky to look like such a pretty girl today(很幸運今天能和這個漂亮女孩長得很像)」之後,佢又標籤埋Lily Collins,唔知Lily睇到唔知都覺得佢哋好似樣呢?

而身為「愛妻號」嘅周杰倫當然有趁機留言大讚老婆比荷里活女星還要靚喇:「你比她漂亮!」佢哋咁樣隔空晒恩愛法,一班網友睇到都搞笑留言「以後我不用吃糖了,看你灑狗糧就飽了」、「你誇老婆不怕得罪人嘛?」真係sweet到令人忍唔住大嗌要被佢哋閃盲喇!