李晨被砸傷縫9針　范冰冰搵網友推薦除疤膏

大陸男星李晨同女友范冰冰將會喺今年下半年拉埋天窗，愛情事業兩得意！不過近日佢錄影大陸綜藝節目《奔跑吧》時就不幸被學士帽砸傷額頭，李晨當時縫咗9針。而作為李晨未婚妻的范冰冰，得知李晨被學士帽砸傷的消息，亦有喺微博呼籲同學們要注意安全，又指可以喺李晨嘅傷口位置幫佢紋一個閃電嘅圖案。

不過身為國民好女友嘅范冰冰就一改搞笑口風向網友求助，嗌網友推薦最好用嘅除疤膏畀佢！一班網友睇見都表示完全可以睇得出冰冰嘅真誠同迫切嘅關心，仲話李晨有個咁好嘅女友，真係賺到添呀！

另外，范冰冰細佬范丞丞早前參加內地真人騷《偶像練習生》成員以九人男團NINE PERCENT成員出道，旋即就同其他成員一齊去美國受訓。不過，今日就有指范丞丞已返回內地並出發到山西錄影新一期《奔跑吧》與未來姐夫同場較量，唔知到時冰冰會支持邊個呢？