唔再開騷住　陳輝陽諗過搞作品展演唱會

曾創作過好多經典作品的音樂人陳輝陽，好似王菲的《暗湧》、陳奕迅《K歌之王》、容祖兒的《痛愛》等等，由陳輝陽親自策劃、監製、編曲舉行的女聲合唱作品音樂會，將於本月21及22日第三度舉行，雖然跟好多歌手合作過，但輝陽卻未有邀請他們演出，他解釋這並非娛樂性的演唱會，他形容這是一個自愈式音樂會，他說：「好多聽眾入嚟睇騷，中途聽到喊。」

陳輝陽找來28位choir女聲合唱團擔綱演出，他說：「佢哋都係精英，有啲出身名校、有做律師、醫生，大家攜手搞呢個合唱團音樂會，靠兩個字『熱誠』，今次嚟到第三代，有啲成員由第一代就開始唱，亦有啲係新成員。」他透露不喜歡為搞騷而搞，音樂會內容也不會重複，就像一齣電影有情節，不過完成今次演出，將會暫告一段落，因為他未有新構思，他可有想過舉行作品展演唱會，邀請歌手演出？他說：「將來一定會有。」