公私分明！連詩雅自爆同徐浩隨時轉換身份

歌手連詩雅（Shiga）到時代廣場Music Room舉行廣東歌音樂會，吸引大班粉絲到場欣賞。她坦言很開心獲老闆撐場，又指已有一段時間沒在香港演唱：「户外演唱都少，所以今日都幾緊張，但好享受，喺屋企練咗幾日，想比平時更加落力同認真。」

同徐浩工作上好夾

說到與音樂人徐浩同台演出，Shiga即指對方是自己的音樂監製，因此常有合作機會：「合拍係因為我哋識咗好多年，音樂人應該溝通多啲。如果大家鍾意嘅嘢唔一樣，就會有磨擦，但我哋方向一樣所以夾到。（私底下呢？）唔講啦，我哋不嬲公還公，私還私，身份可以一下就轉咗。（如果佢喺工作上話你，你做番女友身份會唔會話佢？）暫時未試過，暫時OK。」

新劇演心理醫生

Shiga又透露會到內地開簽唱會，亦很想有機會在香港開騷：「嚟緊會喺香港拍內地網劇，未必宣傳到歌，但希望快啲有新歌。」她指網劇由黃真真監製，題材以女性為主，類似港版《Sex in the City》，其他演員包括鄭欣宜、何佩瑜、雨僑及陳嘉莉等，男演員就未確定。至於可要性感演出？Shiga說：「個劇有性感元素，但呢個唔係重點，亦都唔係每一個人都需要性感。我個角色係心理醫生，會比較收埋少少，但討論乜都會講心理學。」

影水着相回響大

至於Shiga最近到意大利工作，並以品牌代言人身份拍攝了不少水着照，Shiga指該品牌首次邀請香港的代言人：「我好少可咁性感！喺網出Post之後不斷收到好多訊息。（男友有冇覺得你畀人睇蝕？）冇喎，牽涉到工作嘛！同埋係健康性感。」她表示希望推廣健康美，自己一直有鍛練身形和注重飲食，想多點分享心得。