晒囡囡滿月寫真 楊潮凱攝影技巧獲讚
藝人楊潮凱上個月喺社交網宣布榮升人父，當時佢仲甫咗一張抱住囡囡嘅相，真係sweet到爆！話咁快呢位小公主已經嚟到呢個世界一個月喇，楊潮凱今日喺社交網甫出一張囡囡嘅寫真相，慶祝囡囡滿月嘅大日子。相中見楊潮凱嘅囡囡瞓咗喺薄紗上面，仲戴住一個皇冠頭飾，非常可愛。楊潮凱透露呢張咁靚嘅寫真相係由佢親自操刀，影到囡囡咁靚，果然係囡囡嘅前世情人！楊潮凱留言：「彌月之寫真 我的小天使，恭喜您（你）滿月喇！您（你）要健康快樂啊！爸B咩都唔識，淨係識影下（吓）相，希望您（你）大個睇返（番）呢輯相會喜歡啦！#好性感##彌月之禮##其實影BB真係好難##Catharine#」唔少網民都向楊潮凱請教影相嘅技巧，仲問佢有冇興趣接job影相添！
----------------------------
東網巨星開咗ig喇，大家快啲follow啦！