小肥密密開騷冇得抖：準備時間唔夠
20180420
東網電視
更多新聞短片
可能可以逼出小宇宙呢！
歌手小肥與雷柏熹的演唱會在麥花臣場館舉行，期間小肥的耳機出現問題，他就與觀眾傾偈，待工作人員處理。他透露開騷前一晚夢見自己即將出嫁，很捨不得媽媽：「感覺好強烈！其實談情唔只愛情，仲有友情、親情。當中個意義係，嫁咗就嫁咗，就好似我成日喺澳門去香港咁。」之後他請出提琴手及結他手，唱出《時光機》及《約定》等歌曲。
壓力大又緊張
騷後受訪時，小肥直言不滿意初時很緊張：「突然又出現少少問題，好在到第三、四首冇嘢，不過感覺到我拍檔緊張，有啲嘢快咗。」至於耳機一度沒有聲音，小肥決定除下耳機，但又發覺有些歌不能不戴耳機：「呢個騷對我好大壓力，因為得琴同人，如果Hea唱咪冇壓力囉，但我又唔想，又驚觀眾悶，所以要諗多啲方法。今次個任務對我嚟講好難，但終於過咗。」小肥透露有些歌較低了Key，但假音位用了真聲唱都不容易。
唔夠時間準備
問到多久沒見過媽媽？他表示清明時與媽媽一起拜阿爸：「之後幾次都來匆匆去匆匆，平時我會留一日同佢飲茶，但依家終於可以返去，做咩都得，但5月內地都有個騷唱自己歌。」小肥形容這次很好玩，但準備時間唔夠，一來與2月的澳門騷太近，二來雷柏熹又很忙，兩人很難找時間夾：「前幾日先夾晒所有嘢，仲要消化，件事好急，我都喺台上要用iPad睇歌詞，好似Busking歌手！如果Full Band就冇咁大壓力。」
----------------------------
東網巨星開咗ig喇，大家快啲follow啦！