林穎彤陳詩欣情侶裝　陸浩明變電燈膽

藝人陸浩明（6號）近日同歐陽偉豪（Ben Sir）、林穎彤（Bella）一齊飛咗去日本拍攝無綫節目，今次6號女友陳詩欣（Ayan）仲做埋「跟得女友」一齊去，都不知幾開心。早前Bella就喺網上話自己連續兩日都同一對情人撞衫，場面又真係幾尷尬，搞到6號都笑佢呀！Ayan呢日就喺社交網上載咗三人合照，原來佢哋三個都着咗粉紅色系列嘅衫，而Ayan就翹住Bella，仲擺出一個心形手勢，搞笑話：「其實我同Bella先係一對。」旁邊嘅6號就扁晒嘴，擺出一副唔開心嘅樣，非常搞笑，網友仲搞笑話6號今次係電燈膽，唔好阻住人喇！