傅明憲叫陳柏宇快啲帶狗狗上堂
20180422
東網電視
更多新聞短片
傅明憲盡快請訓練員幫忙呀！
歌手陳柏宇考慮到太太生BB及愛犬打交問題未解決，最壞打算或會將狗狗交朋友家暫住，名媛郭秀雲認為這是最中間位的做法，她說：「其實香港市民有時都幾矛盾嘅，當然如果你湊咗隻動物返屋企，尤其是狗，咁黐主人嘅寵物，如果養養吓唔要佢，好似好唔人道，咁樣當然唔係一個好狗主。不過香港住嘅環境有時真係地方好細，如果係大狗，或有可能攻擊性嘅話，太太又啱啱要生BB都會有啲擔心嘅，咁我建議可能搵個中間位，搵朋友暫時養住先，又或者搵訓練狗隻嘅人，寄養喺佢哋度，可以幫手訓練，睇吓行唔行得通先，逐步嚟。」
而身為愛護動物協會會長的傅明憲，亦建議陳柏宇應盡快請訓練員幫忙，她説：「希望佢盡快搵訓練員教兩隻狗狗如何同baby和諧共處。（柏宇話最壞要將狗狗交予朋友照顧？）So sad，協會都有狗狗訓練員和犬隻訓練班，主人和愛犬可以一齊上課，希望佢哋早點上課。」
----------------------------
東網巨星開咗ig喇，大家快啲follow啦！