李晨妙招自拍遮額傷 被讚似梁朝偉

20180423
東網電視
更多新聞短片
咁刁鑽嘅自拍,咁有深度嘅公仔,李晨係有驚喜。

內地男星李晨早前錄影內地綜藝節目《奔跑吧》時就不幸被學士帽砸傷額頭,要縫9針,搞到一班粉絲都非常擔心,不過事後佢都喺網上報平安,先令大家冇咁擔心。

呢日李晨就喺社交網上載咗張高炒自拍照,相中見到李晨擺出一副Chok爆甫士,眼神又帶點憂鬱,不過最緊要嘅亮點就係佢P上一個豬仔圖案喺佢額頭嘅傷口,仲留言表示:「怎麼說………」好多網民都紛紛留言問佢傷勢,仲話唔通佢傷口有疤痕,所以要用個豬仔圖案遮住?有網民仲搞笑話佢嘅眼神有啲似梁朝偉添!

而女友范冰冰就喺凌晨留言,瘋狂指出李晨皮膚缺點:「嗯?毛孔有些粗大和黑頭,皮膚也有點暗黃,是時候該先去個角質,然後精油按摩二十分鐘,最後再敷個美白補水的面膜了!噢!對啦!請別忘了把美容儀也用起來!讓皮膚更緊緻喲!好吧!我說完了!晚安!」嘩,一張相就睇到咁多嘢,冰冰果然係美容達人!


----------------------------
東網巨星開咗ig喇,大家快啲follow啦!
https://goo.gl/KGuo2N