單身好處多？Aka唔恨拍拖：做嘢都好啲
20180423
東網電視
更多新聞短片
冇拖拍通常都係咁講。
組合Super Girls隊長Aka到灣仔出席保育活動，把親手繪製的藍屋插畫送贈大會。受訪時，她坦言收到繪畫邀請時極度緊張，因為未試過畫建築物，早前她把繪畫過程放上社交平台，得到網友提點如何畫得更好：「好彩出嚟似啲樣。（畫咗幾耐？）一個星期多啲，其中兩日通宵，因為細節位幾多。」她為作品加入花草等具生命力的個人元素，不過建築物的斜度就畫了很多次：「我堅持唔用間尺，我係畫插畫嘅人，好想用手畫自己嘅Point of View，中間畫鐵閘窿要閉氣令隻手唔好震。」
Aka表示估不到有機會參與這個莊重的計劃，對畫建築的信心增加不少：「我之前嚟呢度附近上結他堂，對藍屋好有印象，知道係灣仔地標。（去旅行多唔多留意建築物？）我之前去德國，好欣賞當地好特別嘅建築。」她指今年未有機會去旅行，因為SG即將推出新跳舞歌：「不斷練舞、揀歌同錄音。（你啲隊友有冇掛住拍拖、工作懶咗？）佢哋都好勤力嘅，見到佢哋有拖拍都開心，佢哋容光煥發咗，唔使用咁多化妝品，贊助嗰啲畀晒我啦。」至於何時到她拍拖？Aka直言想努力工作：「唔拍拖嘅好處係唔使畀情感羈絆住，畫畫同做嘢都好啲。（有拖拍多啲靈感？）呢個係第二個層次！」
----------------------------
東網巨星開咗ig喇，大家快啲follow啦！