黎燕珊愛犬被襲見紅：傷在你身痛在我心
20180423
東網電視
更多新聞短片
黎燕珊愛犬遭鄰居惡狗襲擊，被咬到傷痕纍纍。
藝人黎燕珊係愛狗之人，尋晚佢突然喺網上甫相呻家中狗狗受傷，相中見狗狗有多處傷口，部分傷口更深到見肉。佢喺留言交代事件經過：「昨天我家工人姐姐帶狗散步時，突然遇到鄰居惡犬衝過來把我的狗襲擊咬成咁。我的愛犬真倒霉（倒楣），真係冇陰功（公）」，佢仲話：「傷在你身，痛在我心。」之後，黎燕珊報平安指帶咗狗狗去睇醫生，依家已經無大礙，不過醫生話起碼要兩星期先可以拆線。
啱啱黎燕珊受東網訪問，對事件大表無奈：「鄰居隻狗甩咗狗繩都冇計，所以都想勸啲有殺傷力狗嘅狗主，帶啲狗狗出去時要戴口罩，今次當我隻狗女唔好彩，依家對方狗主都負晒責任，道晒歉同賠償醫藥費，我都有同自己工人姐姐講，下次唔好再帶我哋隻狗女去傷心地，要去安全地方。」更指事件發生後，自己也情緒低落，但就大讚愛犬很乖，洗傷口時沒有吠過半聲，相反自己看見這些畫面就大呼恐怖。
----------------------------
東網巨星開咗ig喇，大家快啲follow啦！