梁浸浸任花女　楊受成上海送樓賀阿嬌出嫁

英皇藝人鍾欣潼（阿嬌）及英皇娛樂集團營運總裁霍汶希（Mani）於灣仔一間酒店出席內地綜藝節目《櫻花女生》香港啟動之夜。Mani於台上宣布英皇將會與映客合作打造「櫻花女生」，全力發掘新人、新面孔。而阿嬌化身「女生集結官」，鼓勵女生追尋夢想，指櫻花女生最緊要美、有自信，才會有獨特的味道。

楊生比爹哋還要親

期間，司儀問是否五月好事近，阿嬌只表示還未決定，當再追問時，她表示之後只是與朋友有個單身派對。Mani即代她回答，表示大家只想給阿嬌一個驚喜，類似一個廿多人的小型派對，以慶祝阿嬌最後一次的單身。問派對何時舉行？阿嬌故作神秘的表示保秘，不會透露日子，因為是私人派對。

問婚禮籌備進度如何及何時註冊？她謂：「未定，應該會今年註冊，日子就未定，而擺酒就會喺香港。（點解仲未定？）因為大家都好忙！」Mani又為她補充謂：「依家最頭腦係搵場地，一生人一次嘛，雖然有楊生（楊受成）支持，但搵場地真係好頭痛。」

龍虎蛇收開門利是

另外，問是否楊受成在上海送樓給她作賀禮？阿嬌不諱言：「係呀！（酒席都係楊生負責？）都係呀！楊生就好似我爸爸咁。（到時會否斟茶畀佢？）未知！未安排。（叫埋楊生送首飾？）再要咁多，我驚佢炒我。」問是否正覓愛巢？她謂：「搵緊，香港有我屋企，台灣就難搵啲，婚後都諗住香港、台灣兩邊走，都好近。」

說到之前容祖兒及蔡卓妍表示會贊助婚紗，阿嬌表示還未揀，但都不會揀太貴，笑言事前會報價，絕不會揀天價的婚紗。Mani又指之前三位「靚媽」食飯，大家想問嬌媽想要甚麼禮物，說到花女會否找鄭希怡女兒梁浸浸時，阿嬌表示都可以，而姊妹團都是容祖兒、鄭希怡及蔡卓妍「龍虎蛇」三位，問是否很多朋友自薦做姊妹？她笑言最緊要開門利是識講價。

----------------------------

東網巨星開咗ig喇，大家快啲follow啦！

https://goo.gl/KGuo2N