黎明做老竇 阿Wing母憑B貴住半億獨立屋
20180423
東網電視
更多新聞短片
阿Wing母憑B貴！
天王黎明於上月被踢爆同助手阿Wing撻着及懷「明種」六個月，Wing被發現肚凸凸睇車及睇嬰兒用品，出入黎明上水豪宅，即引起全城熱話，紛紛討論黎明係咪「空肚有BB」！一直封口唔表態嘅黎明，喺上月十九號出席香港影視娛樂博覽露面時不受訪不表態，但之後突然在社交網站發文承認做父親，即獲全城大讚為找數真漢子！黎明說：「兩個經歷過離婚的人，有機會走在一起已是一種緣份（分），有了的小生命更將令我成為父親，並帶我進入人生中另一階段。我作為父親必須保護好我自己的家人，更不願意讓家人隨便曝光，相信作為家長也會有同感。對於我們的將來，就交給時間去證明一切。」
黎明Man爆找數獲全城派like，「母憑B貴」的Wing傳聞一浪接一浪，包括有傳她和歌手李治廷、富二代趙偉猷（Vincent）等撻着，當中和Vincent更於去年年底以情侶姿態出席歌手周國賢的妹妹的婚禮。早前東網更踢爆黎明愛屋及烏，安排Wing的母親由藍田公屋搬到黎明的其中一個物業、市值近5,000萬的御林皇府獨立屋，以方便照顧Wing！
----------------------------
東網巨星開咗ig喇，大家快啲follow啦！