逼爆Mon一樣省鏡！迪麗熱巴找數甫自拍

內地花旦迪麗熱巴孖周渝民主演嘅劇集《烈火如歌》，近日大獲好評兼有超過73億點擊率，令佢再度人氣急升。為咗答謝粉絲嘅支持，呢日迪麗熱巴喺網上現身，並上載索爆四連環自拍照派福利。相中佢攞住隻狗狗公仔「賣萌」，仲以超近鏡頭自拍逼爆Mon，但依然咁省鏡，果然不負零死角美女之稱！迪麗熱巴留言話：「承諾你們的自拍，嘿嘿。 」估唔到貼文甫咗唔夠廿分鐘，已經獲超過4萬人Like爆，足見佢人氣爆燈！