認阿Wing早產生B 黎明蒲頭嗌感恩
20180424
東網電視
更多新聞短片
黎明親自報喜。
黎明由天王變老竇，比佢年輕19年嘅女助手陳泳儀（Wing）早產，為佢誕下重5磅多嘅「小公主」！向來鍾意喺網上「找數」嘅黎明，今日喺社交網站終承認已經做爸爸，仲承認「小公主」提早出世。
雖然做爸爸好開心，不過佢字內行間指有人爆料令佢唔開心，他說：「用我真摯感恩謝謝醫院的接生護士們和醫生們，他們的專業令我100%尊敬，但最終都係由不知名人士報料給記者而又令到該醫院變成其他記者守候的場地！」
黎明又講到：「早產嬰兒的父母是要專注和醫生配合，但如果我再次出現也會令醫院增添多一層的壓力。」佢指自己唔會再出現醫院，寧願選擇喺有私人空間嘅場合享受同家人在一起。
對於被人爆料，黎明都好嬲嬲豬，爆出漢奸討論：「最後我也無奈回頭一想當年讀書時期所學到的歷史日本侵華中的（漢奸）為什（甚）麼會出現，原來有些人真是有這種漢奸基因，喜歡爆料，將人家認真時刻要面對的問題變成八卦料告知媒體再將他或她變成花生?觀眾，這是今天我們社會充戚（斥）著（着）的怪現象。」
----------------------------
東網巨星開咗ig喇，大家快啲follow啦！