77歲海報大師阮大勇娶年輕31歲女公關
20180425
東網電視
更多新聞短片
海報大師阮大勇與年輕31歲的酒店女公關Virginia雖然年齡有距離，但真愛無界限。
現年77歲、2017年獲香港電影金像獎頒發專業精神獎的香港電影海報大師阮大勇，早前在社交網站宣布將與年輕31年酒店女公關Virginia（許慧韶）結婚，面對年齡的差距，一些人投以奇異眼光，兩人展示了「真愛無敵」的勇氣。阮大勇直言與Virginia一年前相識，第二次見面時已認定對方，花了一年時間追求，終於在今年一月開始拍拖，當然拍拖初期會有些反對聲音，但他與Virginia都覺得戀愛是兩人的事，沒必要全世界去明白理解，只要雙方彼此相愛，甚麼問題都可以迎刃而解！
雖說真愛萬歲，但不少現實問題需要解決，阮大勇2007年喪偶，有一子一女，大仔對爸爸活得更開心感高興，但女兒則因Virginia與自己同齡，個心總是有點忐忑，阮大勇對此則表示：「佢會慢慢明白，都唔係乜嘢反對，佢同Virginia本身都好好傾，只係需要時間去適應新嘅關係。」
維園木櫈係訂情地
Virginia父母與阮大勇曾見過幾次面，阮大勇求婚成功後，亦有致電Virginia爸爸提親，對方因事忙，表示有空時出來飯聚再談，阮大勇深信問題應該不大。由於Virginia對於阮大勇來說是相當年輕，Virginia亦直言會有些人用有色眼鏡看她，是否愛財才愛阮大勇，阮大勇為未婚妻力辯：「我唔識投資，我有幾多錢好易計到，根本唔係有錢，貪乜嘢呢？！」
能夠打破年齡的鴻溝，與年長31年的人相戀，Virginia直言全因對方的誠意打動，與畫家拍拖，除了收到不少「藝術品」，例如：親筆書寫的情書、一些有意義的小石頭之外，還有無微不至的貼身照顧與呵護，全部都令Virginia感到甜蜜無比，而一對情侶最重要的心靈交往，他們都通通擁有，Virginia說：「我同佢最喜歡坐維園傾偈，公園裏其中一張木櫈就係我哋訂情嘅地方，我哋好多時都會喺公園傾成晚偈，相處得好開心。」
畫咗一張結婚證書
阮大勇求婚成功，原來還設計好婚戒以及已畫了一張結婚證書，兩人亦已在該結婚證書上簽了字，至於真實的那一張，阮大勇直言：「我都想盡快去政府度搞，但因為仲有一啲事要處理，應該一、兩日之後會去做，不過，我哋都唔係小朋友，喺我畫嗰張結婚證書上簽咗字，就已經認定咗對方，我依家冇咗佢唔得㗎喇！」
----------------------------
東網巨星開咗ig喇，大家快啲follow啦！