唐宇哲戴「無限手套」似足《終極一班》

唔少人都好鍾意睇Marvel入面嘅英雄人物，而台灣藝人唐宇哲亦都係佢哋嘅忠實粉絲！有幾鍾意？睇吓唐宇哲手上嘅「無限手套」就知佢真係好鍾意。事關唐宇哲就喺社交網甫咗一張近照，相中除咗見到佢拎住一個Iron man嘅模型之外，仲戴咗一隻無限手套，佢仲笑言：「一個宅男這樣去看Avengers應該也只是剛好而已，但看完…心跟手都有點沉重…」唔少網民都話呢個手套，同當年唐宇哲喺台灣偶像劇《終極一班》入面所用嘅武器好相似，仲有人問係咪用咗劇入面嘅道具嚟改裝添！