鴛鴦戲水玩錫錫！鄧穎堯三點式晒弗爆Body

Super Girls嘅模特兒師妹鄧穎堯（Yoyo）去年11月就同拍拖8年半嘅富二代靚仔男友Daniel Lee（李浩楠）拉埋天窗，榮升做靚靚人妻。上個月底Yoyo就話同老公去Honey moon，數下手指應該都番嚟香港啦掛！點知佢哋兩個仲喺外地，去完奧地利仲去埋瑞士添！今次Yoyo仲拉埋老公一齊落水影相，佢哋兩公婆喺泳池入面大玩錫錫放閃，真係閃死人囉！除咗放閃之外，Yoyo亦都有晒出獨照，見佢身穿一套白色三點式浸喺泳池入面大騷長腿之餘，仲望住鏡頭甜笑添！唔少網民都話張相影得好有美感，仲有人話Yoyo靚咗好多，睇嚟有御用攝影師，果然係唔同啲！