陸漢洋搞神秘婚禮!苟芸慧冧爆:我乜都唔知

20180426
東網電視
更多新聞短片
準新娘苟芸慧喺中環出席簽約儀式。
藝人苟芸慧在中環出席護膚品代言人簽約儀式,她穿上一襲紅色長裙,加上手上戴着三卡的求婚鑽戒,加倍明艷照人。苟芸慧將與陸漢洋(William)結婚,但婚期一直保持神祕,她笑說:「我都唔知幾時,因為全部都係William安排,佢直接同我經理人度期,依家工作去到10月尾。(11月結婚?)我都唔知,佢唔想我擔心,呢一樣都係佢sweet嘅地方,佢鍾意畀surprise我。(幾時影婚紗相?)稍後會去紐約為雜誌影婚紗相,但係自己嘅婚紗相就未知。(樣樣都唔知會唔會好緊張?)可能我份人都係乜都唔知,呢個都係好事嚟,令到件事好有神秘感,我鍾意神秘感,感覺得好浪漫。(會唔會覺得唔實在?)唔會,好似求婚都係唔知,但係一樣都覺得好浪漫,自己好鍾意。」
想去多倫多擺酒
苟芸慧早前被拍得與陸漢洋到上水古洞雙魚河鄉村會所,疑似視察婚禮場地,苟芸慧笑言:「佢嗰日係話約咗朋友去飲茶。(鍾唔鍾意場地?)環境幾好,自己都鍾意有陽光大自然嘅地方。(香港擺酒?)自己希望多倫多會擺一次,因為我屋企人喺嗰邊,長輩年紀大唔想佢哋飛來飛去,如果佢香港屋企人多,香港都可以,大家一齊開心吓。」
做定皮膚護理
苟芸慧指會多做皮膚護理,保持最好狀態為結婚做準備。苟芸慧的姊妹團包括鍾嘉欣、李亞男、岑麗香、王君馨等,她笑言姊妹也趕生BB,到時佗B出席,會令她顯得更加瘦。
----------------------------
東網巨星開咗ig喇,大家快啲follow啦!