「黑寡婦」史嘉娜自爆曾於飛機走光露下體

眾「復仇者」近日分批上Jimmy Kimmel節目宣傳晒冷作《復仇者聯盟3：無限之戰》（Avengers: Infinity War），Jimmy考眾人對拍檔的認知，爆出「黑寡婦」史嘉娜祖漢遜（Scarlett Johansson）曾於飛機上走光，史嘉娜當住湯赫度斯頓（Tom Hiddleston）與麥克韋化奴（Mark Ruffalo）等面前承認瘀事：「唔係有心嘅！好明顯，我於飛機洗手間，我諗我無鎖好門而我以為自己經鎖好！」她表示當時拎紙巾時，有個男人開門入廁所，她整個下體都被對方睇到晒：「佢望向下面，就大叫：『噢！』我即時：『關X咗度門佢！』」失控尖叫爆粗的她笑言更尷尬係離開洗手間時，要經過飛機全部人：「佢哋剛剛都聽到我大叫，而佢哋有人就話：『噢！頭先係史嘉娜大叫，即係佢個陰部！』」