吳業坤情挑前輩　邵美琪派檸檬自封祖母

藝人吳業坤與邵美琪於電視城出席由梁材遠監製的新劇拜神儀式，吳業坤一直視邵美琪為女神，邵美琪則笑言見到吳業坤多新聞，不過讚他乖又聽話：「最衰係佢唔肯萬歲囉，不過都未輪到佢，今日苑瓊丹唔喺度好開心，因為可以減肥一日，佢成日買好多嘢返嚟食，連隔籬廠都買埋，要多謝佢！」

談到與吳業坤合作的女藝人，都會與他傳緋聞，邵美琪笑指：「我冇喎，可能我係佢grandmother（祖母）！」吳業坤即時冧番：「你係我嘅琪琪！」但邵美琪未有領情，直指吳業坤叫她琪琪就會「冚佢」！她說：「我知道佢想同人哋friend啲啲啫，佢都痴痴哋線！」吳業坤笑言這位前輩很難捉摸。

「我有方法對付佢」

邵美琪被問吳業坤是否十分遷就她？她直言這位後輩十分聽話，談到吳業坤曾經將薛家燕印有唇印的杯拍照擺上網，邵美琪笑說：「我都想畀佢影裙底，不過我唔着裙，佢冇撩我喎，係咪我嘅問題？」她又問對方喜歡唱歌還是拍戲，吳業坤冧爆回答：「有你喺度就鍾意做戲多啲！」邵美琪再潑冷水說：「我冇反應！」

吳業坤被問與女神合作可會緊張？他直言反而覺得輕鬆，因為對方十分照顧別人，又可以在她身上學到好多嘢。至於被邵美琪狂派檸檬，可有令他心碎？他笑指：「冇，都慣啦，不過我有方法對付佢！」

而黃智雯在劇集中飾演社工，是邵美琪的妹妹，將會有親熱戲。

----------------------------

東網巨星開咗ig喇，大家快啲follow啦！

https://goo.gl/KGuo2N