名人:郭秀雲斥妖精教壞卓林「畀鬼迷」

20180426
東網電視
更多新聞短片
郭秀雲(左圖)直斥卓林畀任其補習老師嘅外籍女友Andi(右圖右)教壞。(資料圖片)

藝人吳綺莉(Elaine)女兒吳卓林流浪加拿大,身為Elaine好友的名媛郭秀雲亦知道此事,她直言卓林已經是成人,事情不能責怪任何人,成人應該對自己的事負責,她說:「首先整件事情唔可以怪任何人,唔可以怪媽媽冇盡責。卓林係一個成年人,唔到媽媽管,媽媽亦想管亦管唔到,之前卓林仲細,媽媽錫佢,仲可以透過各樣(方式)箍住佢。媽媽好擔心佢,但擔心唔嚟,做唔到啲乜嘢,就算飛過去加拿大,帶個人返嚟又點?畀20萬佢又點?佢個心境、思維都仲係咁,都會一樣過咁嘅生活。」

斥卓林女友教壞人

郭秀雲更直斥卓林是被任其補習老師的外籍女友所教壞,更咬牙切齒稱對方為「妖精」,她說:「卓林識咗個補習老師就學壞咗,佢身為補習老師,冇理由教佢乜都唔做。就算恩愛,都要面對現實,唔可以瞓街,捱得幾耐?有好多嘢唔想講,正所謂『家家有本難唸的經』,我只希望天下間父母唔好遇到呢種『妖精』。」

心痛吳綺莉

郭秀雲又指Elaine已不敢對卓林有任何要求,因為知道卓林自己正在受苦,她說:「我希望Elaine放開啲,等個女受創傷後,醒覺返嚟,但相信要好長時間。但冇計,個個人成長速度唔同,唔好成日話卓林好慘,慘得過Elaine?希望大家關心吓Elaine!我自己眼見,卓林由細到大點對Elaine,唔係女兒對媽媽應有嘅態度,但Elaine一直以女行先,安排卓林豐衣足食。」

形容卓林「畀鬼迷」

郭秀雲說自己一向很愛錫卓林,並讚卓林是個聰明的女孩子。但對於卓林現在的狀況,也大感心痛。問到會否聯絡卓林?她說:「唔想試,唔想同個補習老師傾,嘥氣!卓林好似畀鬼迷咁!」她表示未與吳綺莉聯絡,但會借出耳朵聽對方呻。

----------------------------
東網巨星開咗ig喇,大家快啲follow啦!
https://goo.gl/KGuo2N