名人:第4胎又係女!楊張新悅封肚唔再追

20180427
東網電視
更多新聞短片
楊張新悅宣布今胎都係佗女。
名媛楊張新悅(Nicola)今日出席活動,育有三女嘅佢公開喜訊宣布今胎佗B女。Nicola透露現時懷孕7個月,預產期係7月,並指今次佗B時3個囡囡都算大,所以唔會好辛苦:「今次佗B期間冇乜體毛,加上相士話過我老公前世有好多女朋友今世要還,所以我一早估到BB性別。直至上個月驗血,終於知道結果,屋企會有四個女四條Queen!」
問到佢今胎都係女有冇失望?Nicola指冇,因為本來冇諗過懷孕,更冇諗過要追仔:「冇話生仔有丁權,所以冇壓力。雖然生仔係驚喜啲,但生女都係好事,唔使從頭學習點樣湊男仔,加上佢太多家姐,係仔嘅話可能唔夠man。」問到有冇打算再生?佢即激動表示:「千祈唔好!唔好祝我連生貴子,再生嘅我帶住5個小朋友就搭唔到的士!」Nicola亦指自己能夠有4個小朋友,已經係天賜嘅禮物,希望每個小朋友都可以健康成長。