無懼疫情　鄭伊娜收鑽戒年底沖繩結婚

藝人鄭伊娜與黃榕、馬嘉均等演出舞台劇，講到今年愚人節，伊娜喺社交網上載戴戒指照宣布訂婚。問係咪真有其事？她大方承認同拍拖唔夠一年嘅男朋友潘敬祖結婚：「其實我愚人節post出嚟係想試吓大家嘅反應，我收到幾百個message話恭喜我，我都有回覆大家話多謝大家祝福。（幾時擺酒？）應該年底，會喺日本沖繩行禮，到時應該會返嚟香港擺酒。」

伊娜話男朋友求婚過程好浪漫，令佢爆喊：「今年三月我哋去日本旅行，佢帶咗我去一個好秘密、好靚嘅地方，嗰度有間白色教堂，佢好似超人咁一個人搞掂晒所有嘢，有花、有戒指、有跪地，仲設計咗本嘢入面有晒我哋嘅相，但我感動到唔知講啲乜，仲要反問番男朋友要答乜。（戒指幾卡？）卡幾兩卡。」

伊娜同男友拍拖唔夠一年，結得咁快係咪奉子成婚？她說：「唔係，我為舞台劇綵排瘦咗好多，生小朋友要有計劃，我哋都會生小朋友嘅，因為都鍾意小朋友。」

----------------------------

東網巨星開咗ig喇，大家快啲follow啦！

https://goo.gl/KGuo2N