唔驚男友嬲　馬嘉均黃榕舞台大玩女上男下

歌手馬嘉均與黃榕出席舞台劇活動，馬嘉均表示第一次做男主角，仲要着孖煙囱畀黃榕色誘，他說：「為咗呢個角色我都鍛煉肌肉，喺綵排嘅時候，我同黃榕嘅色誘戲分要係全部演員面前做一次，佢哋有feel先會肯收貨。（戲份激唔激？）會喺床上錫同撫摸。」

黃榕指同馬嘉均綵排時覺得好尷尬，她說：「我哋綵排咗兩、三個月，都試咗唔同嘅體位，最終係女上男下。」雖然黃榕同馬嘉均有咁錫密接觸，但大讚對方係正人君子：「係個身硬啲啫。」

黃榕透露衣着上幾性感，其中一套仲要係藍色嘅內衣，問到男朋友會唔會買飛入場睇？她說：「佢買咗最尾一場，但冇同男朋友講我同馬嘉均咁親密。（唔驚佢嬲？）佢好放心，知道我哋專業，可能睇完會燃起佢嘅慾火。」