Cheronna＠SG單飛背後暗藏「陰謀」！

組合Super Girls成員Cheronna最近推出首支個人跳唱單曲《把持》，成為五女中首個在音樂上單飛的成員，問到其他隊員知道她單飛有何反應？她笑言：「佢哋都期待，最期待係想睇我同男dancer點樣跳啫。」問到她們會否眼紅她可以自己出歌？她坦言：「我覺得唔會嘅，因為佢哋有各自各想做嘅嘢，佢哋都有機會去做，只係我揀咗唱歌，相信如果佢哋都想喺唱歌方面嘅話一定得。（依家你哋個個都有個人發展，驚唔驚畀外界覺得逐步似分開發展？）我唔會擔心我哋個group會分開發展，因為我好清楚我哋最根嘅都係SG，出面嘅觀眾有機會睇到我哋各自各唔同方面發展，唔同領域可以見到我哋做到嘅嘢係一件好事，而我哋聚集一齊又係一股力量。」而問到一個人唱晒整首歌可會有壓力？她笑言：「我係好驚呀！我真係好擔心，以前跳舞有佢哋4個傍住係好好多，好記得之前我一個人做騷，冇咗啲姊妹我好緊張，所以我覺得今次係考驗同挑戰，不過有個好處就係我甩step（舞步）冇人知，哈哈。」