極速造人成功？謝依霖上節目打拳嚴禁打肚
20180429
東網電視
更多新聞短片
謝依霖喺節目上開聲護肚，惹嚟懷孕傳聞！
台灣女星謝依霖（Hold住姐）3月中宣布結婚，不過佢就一直冇透露過老公嘅身份，淨係話佢哋兩個係中學同學，連正面相都冇張，相當低調神秘呀！而謝依霖近日喺内地綜藝節目上要同拍檔奚夢瑤打拳，點知奚夢瑤打拳有一手，搞到謝依霖毫無還擊之力、之後謝依霖忍唔住向對方認低威，仲突然出口護肚話：「不要打肚子那，哪裏都可以！」嘩！一般人都係要求唔好打頭，但謝依霖反而緊張個肚仔，唔通佢結婚冇耐即刻有咗愛情結晶品？如果佗住B都仲要喺節目度打拳咁危險，咁呢份奶粉錢都相當辛酸喎。
其實謝依霖自宣布結婚以嚟都發福不少，身形脹咗幾個size之餘，又畀人話佢行路姿勢似大肚婆，一班網民都忍唔住問佢係咪有BB呀！謝依霖經理人有見懷孕傳聞甚囂塵上，於是即刻出面幫手澄清，佢表示謝依霖只係幸福肥、冇佗B喎！
----------------------------
東網巨星開咗ig喇，大家快啲follow啦！