挑逗林芊妤!林敏驄被取笑係「流氓驄」
藝人梁漢文及林敏驄(阿驄)等主持的ViuTV世界杯節目《Good Night Show全民星戰》下午舉行宣傳活動,邀得羅家英、林芊妤(Coffee)及戴志偉等撐場並大玩遊戲。該節目突然變陣由原本的10時半推前到8時播出,硬撼無綫《愛·回家之愛心速遞》,梁漢文笑指未感到壓力,林敏驄即謂:「咩冇壓力呀?你啱啱無罪䆁放喎!」
英雄救美
玩遊戲期間林敏驄又「挑逗」身穿貼身衫的Coffee謂:「揈兩吓啦⋯做次拱橋嚟睇!」羅家英即「英雄救美」,輕托Coffee蠻腰「落地」。當玩「倒掛金鈎」遊戲時,阿驄見羅家英主動躺下幫女藝人譚凱倫,他即笑謂:「咁你即係同家英哥瞓過!」令人忍俊不禁。
事後羅家英與Coffee齊齊受訪,Coffee感激羅家英幫手解圍,又笑指不覺尷尬,但擔心稍後錄影時遭整蠱。問到羅家英可擔心遭太太汪明荃「扭耳仔」?他即答:「佢話我做得好,保護人呀。我係紳士,阿驄係流氓,佢應該姓劉,『流氓驄』呀!佢唔抵得我靚仔,佢化妝都咁樣衰!」羅家英又透露5月2日將與太太去上海慶祝結婚9周年,8月則陪太太往美國探親,可能會順便留日本玩幾天。其後林敏驄、Coffee同羅家英合照時,阿驄突然手多多,走去整Coffee胸前塊貼紙,不過Coffee就話阿驄冇掂到佢,只係貪玩咋!
硬撼無綫
梁漢文與林敏驄齊齊受訪,林敏驄續謂:「佢初頭唔開心,依家心情好返晒。」對於林敏驄指他「無罪釋放」,梁漢文笑答:「唔講呢啲,呢個節目係帶歡樂畀大家嘛。(撼《愛·回家》喎!)我冇壓力,今次Viu好揼本,派錢畀大家。」
----------------------------
東網巨星開咗ig喇,大家快啲follow啦!