城城申請港珠澳大橋車牌　證件相簽名曝光？

雖然港珠澳大橋未正式通車，但有唔少人紛紛申請車牌以方便出入，有傳車牌瘋狂被炒，炒價高達100萬！有指天王郭富城都有申請呢個車牌，社交網更有疑似城城申請有關車牌嘅表格資料流出，就連被指係證件相、同埋簽名式樣都曝光。消息指城城喺4月26日喺珠海車管所辦理車牌，仲話佢買埋樓，同時更Post埋當日城城戴住口罩辦手續嘅短片添！

個Post擺明係怕齋講怕冇人信，仲要有圖有真相咁款，甫埋城城一臉風騷咁坐喺七人車，又同聲稱協辦車牌嘅工作人員合照，大晒親民！唔少心水清嘅網民，都話原來城城有兩個簽名，一個係Fans專屬，一個係私人用，又讚佢張證件相好靚仔之餘，又話城城有眼光，趁喺大橋未通車前已經買定樓，仲估佢一定喺橫琴買喎！東網致電城城經理人小美求證，但對方身在加拿大未有回應。

----------------------------

東網巨星開咗ig喇，大家快啲follow啦！