老婆拎空手道冠軍　黃長興全家現身撐

藝人黃長興之前透露過太太Peggy係一個空手道高手，不過太太為咗佢而放棄咗呢一個興趣，長興知道咗之後都不知幾內疚。不過愛錫太太嘅長興亦都好支持Peggy玩番空手道，所以佢一得閒就會陪Peggy去練拳，仲透露太太將會參加比賽。

今日長興喺社交網晒出佢哋一家人嘅合照，相中見Peggy同一對仔女齊齊企喺頒獎台上拎住個獎盃，而長興就企咗喺另一邊，一家人仲笑到四萬咁口添！長興仲留言大讚老婆好犀利，留言：「今日嚟睇老婆打比賽，咁耐冇打仲可以打出水準攞埋冠軍真係犀利。你咁有天份（分）真係唔冇嘥。」唔少網民都話睇唔出Peggy咁好打，仲有人笑言長興做錯事嘅話，小心Peggy會送個凌空飛踢畀佢咁話！