諗定自然分娩　梁麗翹唔擔心BB提早出世

藝人梁麗翹挺着9個多月的肚出席活動。梁麗翹透露還有三星期便是預產期，下星期就會退下《東張西望》的主持工作安心待產，她說：「不過最近我老公好忙又唔喺香港，所以我都叫bb唔好出世住。我最近都瞓唔到，bb不停喺我個肚入面耍太極，做主持嘅時候都有踢我，我依家好似摸到佢嘅身體唔同部位咁。（擔唔擔心bb比預產期早出世？）唔擔心，依家37周已經好穩陣，而且我都諗住自然分娩。」