經歷「爺孫戀」!何傲兒恨拍拖首選圈外人

2018年05月02日 09:36
東網電視
更多新聞短片
何傲兒近年強攻內地北上掘金!

藝人何傲兒(Lily)近年強攻內地北上掘金,去年離港多月拍攝大陸電影及劇集,並與內地人氣花旦唐嫣合作,成績蜚然。她稱今次劇集最難得是可以用回自己的國語原音,不用配音,她笑言﹕「見導演嘅時候我同佢講我會練好普通話,佢叫我唔好練,佢就係鍾意我有廣東人嘅口音,大家聽完都笑咗。我一直有學國語,但要真係喺當地生活先可以學到當地潮語同日常用語,我一般聽係冇問題,但我聽唔明是非,因為佢哋講得太快喇!」事業發展不俗的Lily,快將踏入30歲關口,她坦言現時女藝人都流行晚婚及遲生小朋友,所以對婚姻大事並不焦急,反而想趁這段時間在事業上衝刺﹕「我今年畀自己一個目標,希望可以拍到一部古裝劇就好。」

Lily自認在溫室中長大,做藝人之前從未打工,去年獨自在地外打拼令她成長不少,而爺孫戀的新聞亦令她變得堅強﹕「因為呢啲經歷先令到我成長,我覺得自己比以前係堅強咗,有更強嘅心理質素先可以做到藝人。」她坦承當年因此事而暗自抑鬱,但在人前卻要逞強﹕「我唔識表達自己,有心事都唔會同人哋講,我怕同人講咗第二日會喺報紙出,又會諗朋友冇必要聽我講咁多唔開心嘅嘢,因為佢地有佢哋嘅嘢忙,但好在家姐永遠係我嘅樹窿。」

談到感情生活,Lily雖然想創一番事業,但當愛情來的時候,她也會大膽接受﹕「就算好集中工作,如果啱嘅話都會feel到,我都想拍拖。我覺得對象最好係圈外人,好似安全感大啲,最重要係真心相愛,坦誠相對。(有冇擇偶要求﹖)要識關心我,溝通到,可以花時間陪到我,我唔鍾意收收埋埋,要真誠。」Lily自言近年也遇到不少追求者,以前總是很快下定論,現時會學懂花時間觀察﹕「我拍拖次數唔多,以前覺得啱就啱,唔啱就唔啱,好靠第一個印象,但我發覺其實係需要時間觀察,唔急嘅話,花多啲時間了解對方,都唔係一件壞事。」